Изборите во Украина не беа во вистинска смисла слободно и демократски, изјави пред Советот за безбедност на ОН рускиот претставник во ОН Виталиј Чуркин.
Чуркин предложи генералниот секретар на светската организација Бан Ки-мун „неодложно“ да се вклучи во напорите за прекин на насилството во Источна Украина.
Рускиот дипломат му препорача на Секретаријатот на ОН да преземе мерки во одговор на користењето, според Москва, на борбени хеликоптери со назнаки на ОН против сепаратистите во Украина.
СБ на ОН треба да го повика Киев да ја прекине операцијата во Источна Украина, повика Чуркин.
Русија е подготвена да помогне на Киев за започнување на дијалог со југоисточните области, веднаш штом ќе заврши операцијата таму, истакна рускиот претставник во ОН.