Руската армија денеска ја гранатираше фабрика за оклопни тенкови во Харков, соопшти Министерството за одбрана на Русија.
„Во ракетниот напад во областа на градот Харков, гранатирани се производствените капацитети на Комбинатот за оклопни возила, каде што се врши поправка и реставрација на оклопни возила на Вооружените сили на Украина“, пренесува РИА Новости.
Од друга страна, регионалниот гувернер Олех Синехубов на каналот „Телеграм“ изјави дека Русија ја погодила зградата на „цивилното претпријатие“ во Харков со четири ракети С-300, пренесува Ројтерс.