Бројот на погинатите во директниот судир на два патнички воза на југот на Италија порасна на дваесет, а најверојатно ќе продолжи да расте. Во несреќата се повредени десетици патници, а состојбата е драматична додека постојано пристигнуваат спасувачките екипи.
Несреќата се случи на пругата помеѓу градовите Руво ди Пулја и Корато, во близина на Бари, на брегот на Јадранското море.
-Има многу мртви. Дојде до директен судир на возовите, а некои вагони се целосно уништени. Спасителите извлекуваат луѓе од вагоните, изјави шефот на локалната полиција Рикардо Цингаро за италијанскиот весник “Република“.
По веста за несреќата, италијанскиот премиер Матео Ренци го прекина говорот во Милано и повика дека мора да се работи на извлекување на погинатите и ранетите. Тој кажа дека веднаш се враќа во Рим.