Министрите од партијата Народ на слободата (НС) на поранешниот италијански премиер Силвио Берлускони денеска поднесоа оставка, соопшти портпаролот на вицепремиерот и раководител на НС Анџелино Алфано.
Според нив ултиматумот на премиерот Енрико Лета е „неприфатлив“.
Лета вчера нареди замрзнување на сите одлуки непосредно пред гласањето доверба на владата во Парламентот.
Тој, исто така, побара од пратениците на партијата од десниот центар НС да се изјаснат пред парламентот за поддршката неговата коалициска влада, што според портпаролот на НС е неприфатливо.