Американскиот министер за одбрана Џејмс Матис ќе ги посети Блискиот исток и Африка во период од 17 до 23 април.
Матис ќе тргне на 17 април, а следниот ден ќе пристигне во Саудиска Арабија, каде со саудиски претставници ќе разговара за безбедносни прашања, како и за воените дејствија во Јемен. На 19 април тој ќе го посети Египет.
На 20 април Матис ќе биде во Израел, каде ќе оствари средба со шефот на државата, со премиерот и министерот за одбрана.
На 22 април американскиот министер ќе се сретне во Катар со претставници на локалните власти, а на 23 април ќе го посети Џибути и ќе разговара со претседателот на таа земја.