Американскиот секретар за здравство и човечки услуги Роберт Ф.Кенеди планира да отпушти 10.000 луѓе од својот сектор, потврди денеска портпаролот на Министерството за здравство на САД (HHS).
Тоа е агенција со буџет од 1,7 трилиони долари која ги надгледува вакцините и другите лекови, научните истражувања, инфраструктурата за јавно здравје, подготвеноста за пандемии и храната и тутунските производи.
Организацијата, исто така, управува со здравствената заштита финансирана од владата за милиони Американци, вклучувајќи постари лица, лица со посебни потреби и пациенти со пониски приходи.
Претходно, уште 10.000 вработени во HHS решија доброволно да ја напуштат агенцијата откако претседателот Доналд Трамп ја презеде функцијата.
Ако се спроведат сите планирани отпуштања без исклучок, HHS ќе изгуби околу 25 проценти од федералните здравствени работници и работната сила ќе се намали на 62.000 вработени.
Кенеди претходно вети дека ќе стави крај на, како што ја нарекува, „корпоративната корупција“ во американските федерални здравствени агенции и ќе го намали бројот на вработени.