Вредноста на замрзнатите руски средства во Швајцарија на крајот на минатиот месец порасна на 7,4 милијарди швајцарски франци (околу 7,7 милијарди евра), соопшти денеска швајцарската влада.
Се додава дека вредноста на руските средства во Швајцарија пред една година била 5,8 милијарди франци (околу 6,1 милијарди евра).
Владата во Берн соопшти дека зголемувањето од 1,6 милијарди франци се должи на идентификување и блокирање на дополнителни средства.
Европа ги замрзна руските средства по почетокот на војната во Украина, а приходите од тие средства се користат за помош на Киев.