Израелскиот амбасадор во Украина, Михаил Бродски, изјави дека Израел му ги префрлил на Киев системите за воздушна одбрана „Патриот“ што ги добил од Соединетите Американски Држави на почетокот на 90-тите години од минатиот век, објавија денес украинските медиуми.
„На почетокот на 90-тите, кога се водеше првата војна во Заливот, добивме системи „Патриот“ од САД. Тие сега се во Украина, каде што се согласивме да ги префрлиме“, рече тој, објави „Укринформ“.
Бродски додаде дека не се зборувало многу за тоа, па затоа не е вистина кога се вели дека Израел не ѝ помогнал на Украина воено.