Германската канцеларка Ангела Меркел, на маргините од средбата на самитот на Г-7 во Јапонија, изјави дека се уште е рано да се зборува за укинување на западните санкции кон Русија.
И претседателот на Европскиот совет Доналд Туск се осврна на санкциите кон Русија.
– Убеден сум дека ќе донесеме одлука за санкциите во следните две-три недели без големи разгледувања, посочи Туск.
Тој додаде дека Европска унија ќе се придржува на актуелната политика кон Русија, вклучително и кон економските санкции, додека не бидат до крај исполнети обврските од Договорот од Минск.
Европските санкции кон Русија ќе бидат во сила до 31 јули и досега не е разговарано за нивно продолжување.