Германската канцеларка Ангела Меркел, по разговорот со турскиот премиер Ахмет Давутоглу, изјави дека Анкара ќе го одработи својот дел за намалување на бројот на илегални мигранти кои доаѓаат во Европска унија.
Меркел разговорот со Давутоглу и уште девет европски лидери во Амбасадата на Австрија во Брисел ги оцени како позитивни. Таа најави и дека ќе продолжат разговорите за планот за прераспределба на бегалците, со што земјите-членки на ЕУ би презеле одреден број на бегалци од Турција.
– Овој состанок беше многу добар. Разговорите ќе бидатр продолжени за начините за значително намалување на илегалната миграција по пат на доброволни квоти за прием на бегалси, истакна Меркел.
Таа додаде дека „не е потребно секој да земе учество во тој процес, но оти секоја држава која сака да учествува е добродојдена“.