Германскиот канцелар Ангела Меркел ќе биде првиот шеф на германска влада, кој ќе го посети поранешниот концентрационен логор Дахау.
Меркел, која на изборите во септември сака да освои трет мандат, попладне ќе пристигна во поранешниот логор во близина на Минхен, каде ќе одржи кус говор, ќе положи венец и ќе го посети меморијалното подрачје.
Меркел ќе ја придружува претседателот на Одборот на поранешни затвореници во Дахау, Макс Манхаимер и останатите преживеани.
Манхаимер (93) оваа посета ја оцени како историска и знак на почитување кон поранешните затвореници.