Остануваат разликите во однос на активностите за собирање податоци, користени од американската Агенција за национална безбедност (НСА), што ги влошува односите меѓу САД и Германија, изјави германската канцеларка Ангела Меркел, пренесува ДПА.
– Треба да надминеме неколку тешкотии, изјави Меркел, додавајќи дека тие ќе бидат на дневен ред во следните неколку години.
Американскиот претседател Барак Обама, исто така, изјави дека САД и Германија се уште не се целосно синхронизирани, но делат исти вредности и се загрижени за исти проблеми.