Германската канцеларка, Ангела Меркел повторно е највлијателна жена во светот според „Форбс“
Листата на трите највлијателни жени е иста како и минатата година, на вторo место е американската државна секретарка Хилари Клинтон, а на трето – бразилската претседателка Дилма Русеф.
„Форбс“ ја истакнува одлучноста на Меркел за зачувување на Европската унија и нејзиното влијание врз продолжената европска должничка криза. За Клинтон се посочува нејзината умешност да се спарави со кризи, како што беше објавувањето на илјадниците дипломатски документи на Викиликс. „Форбс“ наведува дека Русеф го зазема третото место поради тоа што управува со осмата економија во светот и поради нејзиниот личен рејтинг во татковината.