Европа е подготвена на трета фаза санкции против Москва, ако изборите во Украина бидат неуспешни, изјави германскиот канцелар Ангела Меркел на заедничка прес-конференција со американскиот претседател Барак Обама, по нивната средба во Белата куќа.
– Датумот на изборите 25 мај е извонредно важен ден. Украинскиот народ има право на самоопределување. Ако изборите не се одржат, понатамошни санкции ќе бидат неизбежни, изјави Меркел.
Американскиот претседател Барак Обама предупреди дека ако кризата во Украина се влоши и се создаде закана за спроведување на изборите, САД и нивните сојузници нема да имаат друг избор освен да воведат пожестоки санкции кон Русија.
– Следните чекори ќе бидат пошироки санкции, насочени кон одделни сектори, истакна Обама.