Германската канцепларка, Ангела Меркел и францускиот претседател Емануел Макрон ги повикаа челниците на земјите кои што присустуваат на конференцијата за климата во Бон да инвестираат во борбата против климатските промени.
– Знаеме дека Парискиот договор е само почеток. Знаеме и дека според сегашните обврски нема да ја исполниме целта за намалувањето на затоплувањето за 1,5 степени, рече Меркел.
Во Париз беше договорено глобалното затоплување да се ограничи на помалку од 2 степени.
Емануел Макрон во својот говор ја повика Европа да го надохнади недостатокот од финансиски средства по повлекувањето на САД.
– Сакам Европа да ги замени Американците и сакам да ви кажам дека и Франција ќе се вклучи. Што повеќе европски земји да ја надохнадиме загубата од американската финансиска поддршка и ви гарантирам дека нема да недостасува ниту еден цент за да можеме да продолжиме со делувањето и со насочувањето на нашите одлуки, рече Макрон.
Повеќе од 150 министри и владини функционери, помеѓу кои и 25 претседатели на држави и влади, учествуваат на 23. конференција на ОН за климата COP23 која што завршува во петок.