Германската канцеларка Ангела Меркел ги повика партнерите на Германија во ЕУ да бидат солидарни во прифаќање на бегалци.
Меркел пред пратениците во Бундестагот истакна дека „не може три четвртини од сите лица, кои бараат засолниште, да бидат прифатени од само пет држави“.
Таа нагласи дека ЕУ треба да се однесува сериозно и одговорно кон барањата на Лондон за измени во Унијата, но додаде дека не треба да се менуваат основните принципи како што е слободното движење на работници.
Германската канцеларка истакна дека Велика Британија е природен сојузник и таа треба да остане активен партнер во ЕУ.
– Велика Британија треба сама да објасни каква улога би сакал да игра во Европа, додаде Меркел.