Германската канцеларка Ангела Меркел побара од членките на ЕУ да соработуваат со Турција со цел да се запре бранот бегалци и најави дека продолжи со потрагата по решение што ќе биде во интерес за сите, јави дописникот на МИА од Берлин.
– Ние долго време зборуваме за одредени прашања, тоа секогаш е исплатливо и затоа јас ќе продолжам да го правам тоа за да дојдеме до решение од интерес за сите, изјави Меркел во своето обраќање во германскиот Парламент.
Според Меркел, во моментов не е најважно прашањето за квотите затоа што е смешно да се зборува за квоти за нови мигранти, кога членките на ЕУ се уште не се договориле ниту за старите квоти што предизвикува поделби во Европа.
– Главна тема сега е заедничката позиција за тоа како сакаме да ги заштитиме нашите надворешни граници и за да го направиме тоа има смисла да ја спроведеме агендата ЕУ-Турција, изјави Меркел.