Германскиот канцелар Фридрих Мерц денес изјави дека тој и францускиот претседател Емануел Макрон дале конкретен предлог за тоа како да се преземат следните чекори, особено во врска со проширувањето со вклучување на некои од земјите од Западен Балкан.
– Секако, постојат голем број прашања на кои треба да одговориме, но пред сè, овој дел од Европа мора да се гледа во однос на Европската Унија. Фактот дека не сме примиле ниту една нова членка 13 години покажува дека има недостатоци и во Европската Унија и тоа е она што сакаме да го надминеме денес. Очекувам дека денес ќе се донесат некои заклучоци што ќе бидат имплементирани во Брисел, рече Мерц.