Мексико се подготвува за ураганот Розлин

Од:

Жителите на крајбрежните области во западно Мексико се подготвуваат за ураганот Розлин, кој се движи низ Тихиот Океан откако се засили до категорија 4 и се очекува денеска да го погоди копното.

Ураганот има ветрови со брзина од 215 километри на час и се наоѓа на 145 километри од Кабо Кориентес, соопшти Националниот центар за урагани на САД. Ураганот се смета за силен кога ќе ја надмине категоријата три на петстепената скала Сафир-Симпсон.

Се очекува невремето со полна сила да ја погоди државата Халиско, вклучувајќи го и туристичкото место Пуерто Ваљарта. Продавниците во одморалиштето почнаа да се затвораат вчера попладне, откако владата ги советуваше да го прекинат целиот бизнис.

Вкупно 303 лица се евакуирани во близина на местото каде што се очекува да погоди ураганот. Во неколку населени места се формирани прифатилишта за лица кои живеат во ранливи области.

Извор: МИА

Би можело да ве интересира

Бајден и неговиот мексикански колега Обрадор ветија дека ќе се справат со миграцијата

Ана Ололовска

ВИДЕО: Бајден за прв пат ја посети границата со Мексико

Ана Ололовска

Возови се судрија во Мексико Сити, еден загинат

Ана Ололовска

Војната меѓу војската и картелите во Мексико

(ВИДЕО) Хаос во Мексико по апсењето на синот на „Ел Чапо“: Тројца мртви, нападнат аеродром

Најмалку 14 мртви во напад на затвор во Мексико