Портпаролот на Кремљ, Дмитриј Песков, за новинарите изјави дека идејата на Украина да се приклучи на НАТО е главната закана за Русија, која ја нагласува важноста и итната потреба да се обезбеди нашата безбедност и националните интереси, пишуваат медиумите.
Тие потсетуваат дека во вторникот украинската влада ги претстави безбедносните гаранции што ги смета за неопходни за нејзината земја по завршувањето на конфликтот со Русија.
Планот, како што е наведено во написите, беше претставен во Киев од страна на шефот на администрацијата на претседателот, Андриј Јермак, и поранешниот генерален секретар на НАТО Андерс Фог, а тој предвидува оружје и обука што Украина ги бара од своите западни сојузници за да може да се брани.
Планот, според напишаното, предлага неколку европски земји, заедно со САД, Канада, Австралија и Турција, да бидат гаранција за безбедноста на Украина и да продолжат напорите за влез во НАТО.
Поранешниот руски претседател Дмитриј Медведев, рече дека украинските барања може да резултираат со „трета светска војна“.
Медведев на Телеграм нагласи дека приклучувањето на Украина во НАТО ќе ги обврзе другите членки да ја бранат Украина.
Тој, исто така, додаде дека ако НАТО се надева дека ќе ја ослаби Русија на овој начин, може да очекува „Земјата да гори и цементот да се топи“.