Медведев се закани дека ќе го раскине договорот за жито доколку Г7 го забрани извозот во Русија

Од:

Поранешниот руски претседател Дмитриј Медведев денеска изјави дека доколку групата Г7 го забрани извозот во Русија, Москва ќе одговори со раскинување на договорот за извоз на жито од Црното Море од Украина.

Членовите на групата седум најважни индустриски земји во светот (Г7) размислуваат за речиси целосна забрана за извоз во Русија, објави минатата недела јапонската новинска агенција Кјодо, повикувајќи се на извори од јапонската влада.

Русија постојано се закануваше дека ќе се повлече од договорот за жито, кој треба да се обнови бидејќи сегашниот истекува на 18 мај.

„Идејата на идиотите од Г7 за целосна забрана на извозот во нашата земја е убава бидејќи подразбира реципрочна забрана за увоз од нашата земја, вклучително и категориите на стоки кои се најчувствителни на Г7“, рече Медведев во објава на Телеграм.

„Во тој случај, бизнисот со жито ќе престане за нив – и многу други работи што им се потребни“, додаде тој.

Г-7, наводно, размислува целосно да ја смени стратегијата за санкции, така што извозот во Русија автоматски ќе биде забранет, освен во случај на стоки вклучени во списокот на производи дозволени да се испраќаат во земјата.

Според сегашната рамка, стоките може да се продаваат на Русија, освен ако не се експлицитно на црната листа.

Медведев, долгогодишен сојузник на рускиот претседател Владимир Путин, е и заменик-претседател на Путин во Советот за безбедност и ја предводи владината комисија за производство на оружје за војната во Украина.

Москва повеќе пати се побуни против условите на Црноморскиот договор за жито – единствениот голем дипломатски потег за време на војната во Украина. Русите веќе навестија дека ќе се повлечат од договорот пред 18 мај доколку Западот не ги укине ограничувањата за рускиот извоз на земјоделски производи и ѓубрива.

Во неделата, Г7 повика на „продлабочување, целосна имплементација и проширување“ на договорот за извоз на украинско жито преку Црното Море, објавија во соопштението министрите за земјоделство на групата.

Би можело да ве интересира

Уредникот на „Новаја газета“ е уапсен поради дискредитација на руската армија

ВИДЕО: Владимир Кара-Музра – новото лице на отпорот против Путин

Катерина Ѓуровски

Русија може да користи нуклеарно оружје полесно отколку што се мисли

Русија им ветува помош на земјите од Латинска Америка за да им се спротивстават на САД

Катерина Ѓуровски

(ВИДЕО) Експлозии во руска фабрика: Погодена челичарницата на еден од најбогатите Руси

Горан Наумовски

Османи од ОН во Њујорк: Мораме да и кажеме „не“ на Русија

Предраг Петровиќ