Конфликтот меѓу САД и остатокот од светот ќе заврши со победа на Русија, изјави денес заменик-претседателот на Рускиот совет за безбедност, Дмитриј Медведев.
Зборувајќи на образовен натпревар наречен „Знаење. Прво“, тој рече дека Европа и САД сега се „како рогови во вреќа“.
„Всушност е доста интересно да се следи како се развиваат односите меѓу САД и Европа, а не е прашање на тоа кого фаворизираме“, рече рускиот функционер.
Според него, Русија има свои интереси и треба да се занимава исклучиво со своите работи, развој и помош на своите граѓани, објави Спутник.
Медведев, исто така, рече дека конфликтот меѓу Русија и Западот е егзистенцијален по природа и е прашање на постоење.
„Нашиот конфликт со западниот свет денес е од егзистенцијална природа, односно е прашање на постоење“, рече Медведев за време на предавањето на федералниот образовен маратон „Знаење. Прво“, објави РИА Новости.
Тој додаде дека Европејците сакаат Русија да умре.
„Само неодамна, по конфликтот на Кавказ околу Јужна Осетија и Абхазија, јас, како претседател, се обидов да воспоставам стабилни односи со Европејците. И мислев дека тие ги разбираат нашите загрижености. Но, за жал, последователните настани го докажаа спротивното. Тие не разбираат многу од она што го кажуваме, не сакаат да нè слушнат и, искрено, сакаат нашата држава да се распадне“, рече Медведев.