Тинејџерoт осомничен за масовно пукање во рурална Британска Колумбија во кое уби осум лица пред да се самоубие, и е познат на полицијата поради проблеми со менталното здравје, потврдија властите. Осумнаесетгодишниот Џеси Ван Рутселар уби шест деца и двајца возрасни во Тамблер Риџ во вторникoт и e пронајден мртов на местото на настанот со самонанесена прострелна рана. Претходно е приведувaн и проценет според Законот за ментално здравје, но имал дозвола за огнено оружје, објавува Би-Би-Си.
Нападот започна во семејната куќа, каде што бea пронајдени телата на неговата 39-годишна мајка и 11-годишниот полубрат. Потоа продолжи во средното училиште Тамблер Риџ, каде што убие пет ученици на возраст од 12 до 13 години и 39-годишен наставник. Најмалку 25 други лица се повредени во нападот, од кои двајца се млади и остануваат во болница во критична состојба.
Во Тамблер Риџ, планински град со околу 2.400 жители, знамињата се спуштени на половина копје. Импровизиран споменик беше поставен пред училиштето, каде што ожалостените оставија мечиња и цвеќиња. Жителите се тешеа едни со други, не верувајќи во трагедијата што ја погоди нивната блиска заедница.
„Малите градови се такви. Сите се грижиме едни за други. Не е како во голем град каде што не го познаваш својот сосед“, рече жителката Шели Квист.
Нејзиниот 17-годишен син Даријан бил во училницата со околу 15 други ученици во времето на пукањето. Тие се забарикадирале на вратата и останале таму речиси два часа додека полицијата не ги однела на безбедно. Даријан рекол дека ја познава една од жртвите и дека учениците се чувствувале „малку шокирани, лути, тажни, со измешани емоции“. Тој рекол дека изгледало нереално дека таков напад може да се случи, „особено на место како ова“. Но, тој додаде: „Но, знам дека луѓето што беа повредени се вистински“.
Кралската канадска коњичка полиција (RCMP) потврди дека извршиле повеќекратни интервенции во семејниот дом на Ван Рутселар во текот на изминатите неколку години поради проблеми со менталното здравје на осомничениот.
„Во повеќе наврати, осомничениот е приведен на проценка и понатамошен третман“, рече заменик-комесарот на RCMP, Двејн Мекдоналд.
Премиерот на Британска Колумбија, Дејвид Еби, рече дека властите се во контакт со здравствените службеници за да „разберат какви интеракции можеби постоеле“. Властите, исто така, рекоа дека Ван Рутселар, кој е роден како маж, се идентификувал како жена. Напаѓачот се откажал од средното училиште Тамблер Риџ, кое има 160 ученици, пред четири години.
Полицијата пронашла две огнени оружја на местото на настанот – долга пушка и модифициран пиштол. Сè уште не е јасно како осомничениот го набавил оружјето што било употребено во нападот. RCMP откри дека пиштолот бил запленет од домот на осомничениот пред околу две години. Сепак, член на семејството, чиј идентитет не беше објавен од полицијата, подоцна успешно поднесе барање за враќање на оружјето.
BBC Verify откри објава на Фејсбук од 2021 година од мајката на осомничениот, Џенифер Странг, во која го опишува интересот на нејзиниот син за оружје. Друга објава споделена од роднина истата година го покажа осомничениот како држи ловечка пушка.
Судските документи од децениската битка за старателство даваат увид во детството на осомничениот. Во нив се наведува дека семејството водело „речиси номадски живот“ помеѓу 2010 и 2015 година, што вклучувало „повеќекратни преселби помеѓу Њуфаундленд, Гранд Кеш и реката Пауел во Британска Колумбија“.
Во објава на Инстаграм од јули 2024 година, мајката на осомничениот се опиша себеси како „либерална со конзервативни склоности“ и изрази поддршка за заштита на „трансродовите деца“.
„Дали имате идеја колку деца се убиени поради ваков вид омраза?“, напиша таа.