Масовна мобилизација на силите на редот во пресрет на денешните демонстрации во Париз

Од:

Француските власти најавија мобилизација на најмалку 7500 припадници на силите на редот наспроти денешните демонстрации и манифестации во Париз, јавува дописникот на МИА.

Главната опасност доаѓа од 45 чин на жолтите елеци кои од раните утрински часови започнаа да се собираат на париските улици и покрај забраната да се собираат на повеќе клучни места во Париз. Ова во моментот кога Елисејската палата, но и другите палата на републиката ќе ги отворат своите врати како дел од манифестацијата деновите на наследството, париската полиција прибегнува кон истите мерки како за 1 мај.

Жолтите елеци веќе 44 саботи по ред сонуваат да навлезат во Елисејската палата, а таа денес е отворена, затоа нејзиното ставање под внимателен надзор за да се спречи најмала инцидент и ризик од навлегување. Особено бидејќи оваа сабота, 21 септември, е претставена како важен датум во календарот на демонстрантите. По летната пауза, овој 45 чин беше претставен како голем ден на повторно враќање на „жолтите елеци“. За безбедноста на Елисејската палата се грижат 800 припадници на силите на редот.

Повеќе метро станици се затворени, додека изутринава се забележани првите судири меѓу жолтите елеци и силите на редот.

За попладне е најавен протест на синдикатот ФО против реформите на пензискиот систем, како и демонстрација за заштитата на планетата, односно против климатските промени.

Би можело да ве интересира

Путин и Макрон разговараа за Сирија и Украина

Албански медиуми: Макрон наскоро во Тирана и во Скопје

Татјана Ташкова

Зошто (и) во Франција има многу насилство врз жените

Ана Ололовска

Макрон пред почетокот на Европскиот совет не кажа ништо во однос на проширувањето

Францускиот Сенат го ратификуваше Протоколот за членство во НАТО

Татјана Ташкова

Од Франција, Белгија и Германија депортирани 100 албански државјани