Според германските медиуми, поранешниот претседател на Европскиот Парламент, Мартин Шулц има големи шанси да биде кандидатот за канцелар на Германската Социјал-демократска партија на следните избори кои што треба да се одржат на 24. септември.
Иако претседателот на СДП и сегашен вице-канцелар, Зигмар Габрил, беше фаворит да биде кандидатот кој што ќе се спротивстави на Ангела Меркел, сепак на интерен состанок денеска било договрено тоа да биде Шулц.
Оваа промена доаѓа по намалувањето на рејтингот на Габриел во последните месеци и константните критики за лошо водење на партијата.
Според истражување правено во декември од германската телевизија АРД, 57% од испитаниците би гласале за Меркел во Септември, додека 37% се одлучиле за Шулц, а само 16% за Габриел.
Шулц е познат во јавноста по неговиот мандат како претседател на Европскиот Парламент од 1. јули 2014 до 17 јануари годинава.