Првичните сознанија добиени од „црната“ кутија пронајдена на местото на уривањето на малезискиот авион во источна Украина, укажуваат дека леталото паднало затоа што било погодено од шрапнели кои настанале при експлозија на проектил, објави американската телевизија Си-Би-Ес, повикувајќи се на изјава на европски претставник за воздухопловна безбедност.
– Проектилот го сторил тоа за што е наменет – урување на авион, изјавил европскиот претставник за Си-Би-Ес, додавајќи дека податоците регистирани на „црната“ кутија укажуваат на „голема експлозивна компресија“.
Европскиот претставник во изјавата сепак потенцира дека ваквите сознанија се неофицијални и дека „црната“ кутија е исрапрена на детална анализа во Лондон.