Францускиот претседател Емануел Макрон изјави дека украинскиот претседател Володимир Зеленски не може да се согласи на прекин на огнот додека Русија продолжува со нападите врз Киев.
Говорејќи за време на посетата на Мадагаскар, Макрон истакна дека мирот не може да се постигне додека Русија го гранатира украинскиот главен град.
Оваа изјава доаѓа откако Русија го изврши најтешкиот напад врз Киев оваа година, користејќи 145 беспилотни летала и 70 проектили, при што загинаа најмалку осум лица, а беа повредени повеќе од 70.
Нападите предизвикаа пожари и урнаа згради во пет градски области, а спасувачките тимови се уште бараат преживеани под урнатините.
