Францускиот претседател Емануел Макрон ги коментираше првите разговори меѓу руската и американската делегација и рече дека Трамп и Путин можат да го обноват исклучително важен дијалог.
Коментирајќи ги средбите, Макрон изјави дека Франција никогаш не планирала да испрати војници во Украина.
„Париз не се подготвуваше да испрати копнени трупи, со оружје, на фронтот во Украина. Размислувавме, заедно со Британците, да испратиме експерти надвор од која било конфликтна зона“, рече Макрон.
Во врска со преговорите во Саудиска Арабија, Макрон рече дека тие може да имаат одредени позитивни аспекти.
„Доналд Трамп може повторно да започне корисен дијалог со Владимир Путин“, рече тој.
На крајот од интервјуто Макрон се осврна на новата средба на европските сојузници што ќе се одржи во среда и рече дека на неа ќе учествуваат европски и неевропски земји.