Макрон: Путин одлучи да не запира

Од:

Францускиот претседател Емануел Макрон денеска изјави дека неговиот руски колега Владимир Путин „одлучил да не запре“ во Украина бидејќи му треба „воена победа за самиот себе, иако сфатил дека Украина нема да се потчини“.

Во интервју за францускиот неделник „Ле Поинт“, Макрон рече дека Мариупол, градот во источна Украина на кој се фокусирала руската армија, „можеби е фиксација на Путин бидејќи тој е симбол на Украина која дава отпор“.

Со концентрирање на офанзивата на Донбас, рускиот претседател се обидува „да постигне победа и за цел ја има славната воена парада на 9 мај (одбележување на победата над нацизмот), многу важен датум за него и за Русија“, рече Макрон.

Францускиот претседател рече дека поради тоа, малку верува во колективните напори Путин да се стави на преговарачка маса во краток рок.

Како што пренесе Бета, Макрон се обиде да ги оправда и своите бројни телефонски разговори со Путин.

– Ако веќе не разговара со никого, тогаш не знаеме до каде може да стигне. Тоа е моја опсесија. Му реков дека кога ќе влезе во циклус на насилство, најтешко е да се запре. Опасност и пресврт е да се влезе во неповратното, рече Макрон.

Извор: МИА

Би можело да ве интересира

ВИДЕО: Путин положи заклетва за петтиот претседателски мандат

Катерина Ѓуровски

Уште шест години на власт, денеска инагурација на Путин

Франција испраќа амбасадор на инаугурацијата на Путин

Макрон: Ако руската армија ја пробие линијата на фронтот и Киев не повика, Франција ќе размисли за испраќање војници

Предраг Петровиќ

Макрон: Француското нуклеарно оружје е можна тема во дебатата за одбранбениот систем на ЕУ

Путин: Рускиот БДП би можел да порасне за повеќе од три отсто до крајот на годината