Претседателот на Франција, Емануел Макрон изјави денеска дека преговорите со рускиот претседател Владимир Путин во Версај на 29 мај помогнале во тоа Русија и Франција да постигнат напредок по прашањето за Сирија.
– Соработката на нашите специјални служби на теренот е подигната на сосема поинакво ниво, во споредба со претходниот период, изјави Макрон во интервју за францускиот неделник „Журнал ди манш“.
Тој изнесе и некои разлики, кои постојат меѓу Франција и Русија по сириското прашање.
– Владимир Путин е сојузник на претседателот на Сирија Башар ал Асад, додека јас застапувам позиција според која остранувањето на Башар ал Асад од власт не е задолжителен услов за каква било натамошна иницијатива во Сирија. Но истовремено трагам по оние мерки, кои би овозможиле обнова во регионот истовремено ставајќи точка на тероризмот, рече Макрон.