Францускиот претседател Емануел Макрон ќе се обиде да упати реформаторска порака за неопходност од засилување на европската монетарна унија и тоа ќе се случи за време на неговата посета на Атина, планирана за 7 и 8 септември, јавија грчките електронски весници, повикувајќи се на француски високо рангирани претставници.
Весникот „Катимерини“ пишува дека дека на својата посета на грчката престолнина шефот на француската држава ќе биде придружен од француски бизнисмени во обид да даде поттик на инвестициите во Грција.
-Идејата е Франција да ја поддржи Грција во нејзините напори за обнова и раст, изјави еден од советниците на Макрон, кој посака анонимност.
Тој додал дека суштината на оваа посета е да се истакне дека „еврозоната треба длабински да се реформира“.
Според него, предлозите на Макрон ќе ја одразат убеденоста на францускиот претседател и неговата екипа дека еврозоната треба да биде „блиндирана“, за да се справи со секој можен проблем.