Францускиот претседател Емануел Макрон денеска изјави дека Европа треба „да се подготви за војна доколку сака мир“, додавајќи дека рускиот претседател Владимир Путин „е противник кој нема да застане во Украина доколку победи“.
„Ако Русија победи во оваа војна, кредибилитетот на Европа ќе се сведе на нула“, рече Макрон во интервју за француските ТВ канали TF1 и France 2, пренесе Ројтерс.
Тој нагласи дека Европа не треба да повлекува црвени линии кои, како што наведе, ќе ја поттикнат Русија да продолжи со инвазијата на Украина.