Поранешниот соработник на американската Агенција за национална безбедност Едвард Сноуден, нема поднесено барање за политички азил до властите на Венецуела, изјави вчера претседателот Николас Мадуро.
Мадуро, при пристигнувањето во официјална посета на Хаити, нагласи дека колку што е тој запознаен Сноуден има побарано азил од Еквадор, но нема упатено барање до Венецуела.
– Ако такво барање пристигне, ние исто така ќе го разгледаме, бидејќи политичкиот азил во секој случај е мерка на хуманитарна заштита, истакна венецуелскиот претседател.
Според него обезбедувањето политички азил во земјите од Латинска Америка има долгогодишна традиција.