Претседателот на Венецуела смета дека меѓу него и Јосиф Сталин има сличности. Во телевизиско обраќање Николас Мадуро рече дека кога се гледа во огледало, забележува сличности меѓу себе и Сталин.
– Во светот има луѓе кои ме сметат за карипски Сталин. И јас навистина наликувам на него. Погледнете ме во профил, нагласи тој.
Мадуро додаде дека голем број од светските лидери употребуваат многу пожестоки методи во споредба со него.
– Премиерот на Шпанија Маријано Рахој испрати во Каталонија полиција да уапси 700 градоначалници. Дејствува ли тој како диктатор? Мадуро кој и дозволи на опозицијата да спроведе референдум или Рахој кој не дозволува Каталонија да организира референдум за независност, запраша венецуелскиот претседател.