Претседателот на Венецуела Николас Мадуро го поддржа Берни Сандерс како кандидат на изборите за американски претседател.
– Ако изборите се слободни Сандерс сигурно би бил претседател на САД, посочи Мадуро во обраќањето на националната телевизија.
Мадуро, наследник на Уго Чавез, посочи дека кандидатурата на Сандерс покажува дека САД сакаат промени на изборите што се закажани во ноември.
Речиси е сигурно дека Сандерс ќе биде победен од другиот кандидат на демократите Хилари Клинтон, но тој одбива да се повлече и привлекува голем број млади гласачи.