Западот бара од властите во Киев да ја вовлечат Белорусија во војна, изјави белорускиот лидер Александар Лукашенко.
„Зошто Володија (Владимир) Зеленски се однесува така? Бевме добри со него, во добри односи. И моето мало семејство исто така. Што лае, што му фали? Му даваат наредби (од Запад)“, рече Лукашенко.
Лукашенко истакна дека Белорусија треба да избегне воен конфликт, бидејќи можеби нема да може да го издржи, пренесува Спутник.
„Затоа правам сè трпеливо и истрајно, како што не учи Господ и црквата. Ајде да си ја завршиме работата. Времето ќе стави сè на свое место“, рече Лукашенко.
„Нека кажат дека овде има диктатура или нешто слично. Подобро диктатура како во Белорусија отколку демократија како во Украина“, заклучи белорускиот лидер.