Пожарникарите успеале да го локализираат пожарот во зградата на руското Министерство за одбрана во Белгородската област, изјави вечерва гувернерот Вјачеслав Гладков.
„Откако пожарот е локализиран, почнуваме да ги отстрануваме последиците“, напиша тој на својот профил на Телеграм, пренесува ТАСС.
Тој најави дека утре ќе излезе на лице место со работна група за проценка на штетите, преземање мерки и започнување со реконструкција.
Во пожарот е повредено едно лице, а оштетени се седум околни куќи.
Областа Белгород е на југот на Русија, на границата со Украина.