Лидерот на радикалното либанско шиитско движење Хезболах, ја обвини денеска владата на израелскиот премиер Бенјамин Нетанјаху дека го насочува регионот кон војна во Сирија, Либан и Појасот Газа и предупреди дека луѓето во Израел нема да бидат заштитени ако почне конфликт.
Во говор Хасан Насрала рече дека Владата на Израел нема „правилна анализа“ до каде би одела таква војна ако ја почнат.
Тој ги повика евреите кои емигрирале во Израел да се вратат во државите од каде дошле за да не настрадаат во војната што ќе ја почне „идиотската влада на Нетанјаху“.