Либанскиот премиер Наџиб Микати вечерва објави дека неговата Влада поднесува оставка, откако една од членките во владината коалиција, шиитската Божја партија (Хезболах), го блокираше формирањето на телото за контрола на парламентарните избори и се спротивстави на продолжувањето на мандатот на шефот на полицијата.
Хезболах, која е најголема партија во владината коалиција, се противи на продолжувањето на мандатот на началникот на либанската полиција, генерал-мајорот Ашраф Рифи, нагласувајќи дека го смета за свој непријател.
Засега е неизвесно дали либанскиот претседател Мишел Слејман ќе ја прифати оставката на Владата на Микати.