Либанската армија денеска предупреди на опасноста од заговор, што има за цел Либан да го вовлече во една „апсурдна војна“ на фонот на нараснатото насилство, поврзано со соседна Сирија.
„Командата на армијата ги повикува граѓаните да внимаваат на заговори, што за цел го имаат враќањето на Либан назад и неговото вовлекување во апсурдна војна“, посочува армијата во соопштение, цитирано од француските медиуми.
Армијата предупредува, исто така, дека ќе прибегне кон примена на сила за да ги прекине појавите на насилство.