Лекарот на претседателот на САД, Шон Конли, изјави денеска дека Доналд Трамп не чувствува „никакви симптоми“ на новиот коронавирус, откако вчера се врати дома од болница, каде беше сместен неколку дена.
Во изјава од Белата куќа, Конли рече дека утрово имал состанок со медицинскиот тим на претседателот.
Трамп, како што наведe д-р Конли, „ја поминал првата ноќ дома мирно“, се чувствува добро, а нивото на кислород во крвта е стабилно.
Конли не наведе со каква терапија се лекува американскиот претседател, по бројните шпекулации дека на Трамп му се дава експериментална и непотврдена терапија.