Невозможно е да се предвиди како суспензијата на американската воена помош за Украина ќе влијае на Володимир Зеленски, изјави рускиот министер за надворешни работи Сергеј Лавров.
„Не можам да влезам во главата на тој човек, тој не е ни човек“, изјави Лавров за Канал 1, одговарајќи на прашањето како прекинот на американската воена помош за Киев ќе влијае на Зеленски и дали ќе седне на преговарачка маса.
Претходно, портпаролот на Кремљ, Дмитриј Песков оцени дека евентуалното запирање на испораката на американско оружје за Украина дава надеж дека режимот во Киев можеби се стреми кон мирно решение.