Министерот за надворешни работи Сергеј Лавров ја коментираше иницијативата за преговори меѓу Украина и Русија во Ватикан, опишувајќи ја опцијата како нереална.
– Би било непријатно и донекаде „неелегантно“ Ватикан да биде домаќин на состанок на две православни земји – Русија и Украина, на кој би се дискутирале прашања на католичка платформа. Ова сценарио е нереално, рече Лавров.
„Сакам да кажам дека не треба да го трошат својот ментален капацитет разработувајќи опции кои не се многу реални. Замислете го Ватикан како место за преговори, малку е неелегантно, би рекол, кога православните земји дискутираат за прашања поврзани со елиминирање на коренските причини на католичка платформа…Мислам дека нема да биде многу пријатно за самиот Ватикан да прима делегации од две православни земји во овие услови“, рече Лавров, говорејќи на конференцијата на амбасадата „Историски јужноруски земји. Национален идентитет и самоопределување на народите“.
Лавров рече дека ќе има и други рунди преговори со Киев. Според него, Москва веќе постигнала напредок во подготовката на меморандум за условите за прекин на огнот, што го оцени како позитивен чекор.
Лавров додаде дека Украина сметала на Западот дека ќе биде на нејзина страна во секое време, но американскиот претседател Доналд Трамп јасно стави до знаење дека војната во Украина не е негова војна.
Тој предупреди на „опасните тенденции“ на милитаризација на Европа од страна на Западот.
Лавров остро го критикуваше германскиот канцелар Фридрих Мерц за неговите изјави дека Германија треба да биде на чело на Европа во сегашните околности, нарекувајќи го „вистински циник“.