Русија го поддржува предлогот на францускиот претседател Франсоа Оланд за затворање на турско-сириската граница, со цел да биде запрен приливот на џихадисти, изјави денеска рускиот министер за надворешни работи Сергеј Лавров.
– Подготвени сме сериозно да ја разгледаме таа неопходна мерка. Многумина велат дека доколку ја затвориме таа граница, ставаме крај на терористичката закана во Сирија, рече Лавров.
Тој додаде дека станува збор за добар предлог.