Рускиот министер за надворешни работи Сергеј Лавров во еден момент изјави дека не знае што ќе направи Европа на преговарачка маса за да се реши прашањето за војната во Украина.
„Европејците сè уште се држат до истата филозофија. Не знам што би направиле на преговарачката маса. Ако „извлечат“ некои лукави идеи за замрзнување на конфликтот и од навика имаат намера да ја продолжат војната – тогаш зошто да ги поканиме таму“, рече Лавров на прес-конференција, по средбата со неговиот српски колега Марко Ѓуриќ во Москва.
На прашањето да ги коментира изјавите на западните лидери за време на Минхенската безбедносна конференција за потребата земјите од ЕУ да учествуваат во преговорите за Украина, Лавров одговори дека желбите на западните лидери досега биле задоволени во неколку наврати.
„Во февруари 2014 година, ЕУ, вклучително и Франција и Германија, свечено потпишаа договор со тогашниот претседател на Украина (Виктор) Јанукович и вооружената опозиција. Тие гарантираа дека овој договор ќе се исполни. И предвидуваше преодна влада на национално единство и предвремени избори“, рече Лавров.
