Русија ќе продолжи со воените испораки за Сирија, изјави денеска рускиот министер за надворешни работи Сергеј Лавров, јави ТАСС.
– Безусловно, испораки на вооружување имало, има и ќе продолжи да има. Тие неизбежно се придружени од руски експерти, кои помагаат да се пушти во употреба соодветна опрема и да се обучи сирискиот персонал да работи со тоа вооружување. Тоа не е никаква тајна, изјави Лавров во изјава за руската телевизија „Прв канал”.