Шефот на руската дипломатија, Сергеј Лавров, денеска изјави дека неговата земја е подготвена да ги нормализира односите со Европската унија, но врз основа на принципот на еднаквост.
-Уште еднаш, сакам да ја потврдам нашата подготвеност за нормализирање на односите со ЕУ, но само доколку на сите им е јасно дека ќе го водиме разговорот врз основа на еднаквост и взаемно почитување, во потрага по рамнотежа на интереси, а не врз основа на еднострани потези и прелиминарни услови, рече министерот Лавров на прес-конференција по средбата со со својот словенечки колега Анже Логар во Москва.
Лавров потенцира дека Москва е загрижена од потезите на Брисел во врска со минирањето на механизмите за соработка со Русија.
Тој додаде дека оваа загриженоста на Москва му ја пренел и на својот словенечки колега затоа што официјалниот став на Европската унија се формира врз основа на позициите на „агресивно малцинство кое страда од русофобија“, пренесуваат руските медиуми.
Логар, од своја страна, на прес конференцијата кажа дека официјална Љубљана е загрижена за „зголеменото воено присуство на Русија на границата со Украина“, како и за ситуацијата со присилното слетување на авионот на „Рајанер“ во Минск.