Рускиот министер за надворешни работи Сергеј Лавров денеска изјави дека нема да ја оствари утрешната планирана посета на Турција, по соборувањето на рускиот воен авион од турска страна.
Тој, исто така, ги посоветува Русите да не патуваат во Турција, додавајќи дека заканата од тероризам во оваа земја не е помала од онаа во Египет, каде руски патнички авион минатиот месец беше соборен во бомбашки напад.
Шефот на руската дипломатија нагласи дека рускиот претседател Владимир Путин на денешната средба со јорданскиот крал Абдула го оценил нападот на турските воено воздухопловни сили како „забивање нож во грбот на Русија“.
Лавров потенцира дека руското летало извршувало антитерористичка операција и се наоѓало во сириското воздушно пространство.