Рускиот министер за надворешни работи Сергеј Лавров изјави дека Москва е добро свесна дека Европската Унија се обидува „несмасно“ да влијае на ставот на американскиот претседател Доналд Трамп за Украина.
Лавров додаде дека Русија „е за сигурни безбедносни гаранции за Украина“, но дека ваквите дискусии не можат да се водат без Москва.
„Сигурен сум дека на Запад, а пред сè во Соединетите Американски Држави, многу добро разбираат дека сериозното дискутирање за безбедносните прашања без Руската Федерација е утопија, пат кон ќорсокак“, рече Лавров.
Тој додаде и дека Вашингтон „сè појасно ги разбира причините за украинската криза“.
