Три жени и едно куче се пронајдени мртви во два апартмани во Лас Вегас, а полицијата пукала и убила потенцијален осомничен откако мажот се соочил со полицијата со огнено оружје, соопшти денеска полицијата во Северен Лас Вегас (NLVPD).
Инцидентот започнал во вторникот околу 15:15 часот по локално време, кога жителите на тој станбен блок слушнале пукотници и повикале полиција, јавува ABC News. Веднаш била испратена патрола во станбениот комплекс, но кога се приближиле до дворот, велат, наишле на маж вооружен со огнено оружје кој дошол кон нив, принудувајќи ги полициските сили да отворат оган.
„Полицајците му дадоа повеќе вербални команди да го фрли огненото оружје, но тој ги игнорираше командите и продолжи да оди кон нив. Двајца полицајци потоа употребиле огнено оружје, удирајќи го мажот“, соопштија од штабот на полицијата.
Откако се справиле со осомничениот, властите ги провериле становите во близина и потоа пронашле мртви три жени и едно куче во два одвоени станови.
Покрај тоа, во еден од становите било пронајдено и неповредено мало дете. NLVPD додаде дека медицинскиот персонал набрзо пристигнал на местото на настанот и констатирал смрт на три жени и еден осомничен маж. Имињата на трите жени кои беа убиени, како и причината и начинот на нивната смрт, ќе бидат објавени од Канцеларијата на судски вештак во округот Кларк откако ќе бидат известени најблиските на жртвите.
Засега не се знае дали осомничениот познава некоја од жртвите и истрагата се уште е во прелиминарна фаза, но полицијата не верува дека во убиствата учествувало друго лице.